讀書嘅時候成日想剪自己鍾意嘅髮型，希望有一日的水可以過半耳，髮尾可以掂衣領，成功走入潮流界。只可惜大咗之後先發現當初實在太年輕了。而家即使可以隨時隨地去恤個靚髮，但依然真心怕怕，皆因喺Salon入面，實在遇過太多奇奇怪怪嘅人了……

文化歧視

佢明明有潮流雜誌，但一定一大堆東週忽週八週擺你面前，咩意思先？

點剪

一開始就會問，可能係問你「想點剪？」，亦可能係問你「點剪？」（佢真係唔識剪你個頭呀！今次PK鳥！），而要搞清楚佢「點剪？」同「想點剪？」，多數要係……剪完之後。

有用Hair Gel, 冇用Hair Gel

注意：有部分師父總係鍾意以捽到你「住」陰起晒螺旋嚟表示自己有比心機Gel你個頭。

恤髮經紀

佢會積極推介各種你完全唔想要嘅服務同產品：「我覺得你要Try Try呢個Cutting，唔係會好Boring，同你做番個Coloring……頭髮有啲傷，同你做個護理同Cleaning吖？」

行業厭惡者

不停同你講做剪髮有幾唔好撈~好天斬埋落雨柴∼呢行又冇工會∼不過唔做都唔知轉咩好~我唔聽我唔聽呀！

望住個鐘吖

我要你記住呢一分鐘，而家呢一分鐘，已經係你濕住個頭等佢嘅第21分鐘，而條PK仲喺你視線範圍內，隔住道玻璃門同阿Paul煲緊煙同吹緊水。

no. 7 head

一本髮型書喺你面前，幾百個冧巴，萬千款髮型，而佢每一款都話你個頭剪唔到，最後都係剪返7號。

以上嘅怪人，究竟你又遇過幾多個呢？BTW，你個頭都幾7，去開邊度剪㗎？