節目重溫
星期三港案

良心發現,認真製作,

緊貼時事,淺入深出。

毛記電視新聞部出品,每集5至10分鐘不等,

毛記主播聲音導航,超微型新聞紀錄片。

逢隔個禮拜六嘅朝早10點,喺將軍澳嘅坑口站天橋底,會有一個叫「正澳」嘅社區回收站,專為將軍澳居民做塑膠回收。發起人並唔係來自乜乜組織,而係兩個住喺將軍澳嘅街坊Zoe同阿Mi。

佢兩個做咁多嘢,為嘅唔止係環保,仲係想透過社區活動,拉近人與人之間嘅關係,同埋搵返社區應有嘅人情味呀!
呢兩個星期,先後發生兩宗視障人士被誤解嘅案件:

1)一位患嚴重弱視球迷因用望遠鏡睇波而被誤當賭波集團成員;
2)一位失明人士排隊等車期間因用手機而被誤當「扮盲搵食」;

誤會事件最後引發成網絡公審甚至罵戰,其實對視障人士嚟講,每一次誤解都可能會造成心靈創傷;而喺公審之前,又有幾多個人可以理智地分析一下,避免未審先判呢?
兩個月前,有外判清潔工被影到喺公廁洗手盤上食飯,最近就有勞工組織公布一項調查,發現原來超過七成嘅清潔工面對同樣問題,甚至發現佢哋用嚟休息嘅值勤室,設施同環境問題亦好嚴重。做咗8年清潔工嘅明哥認為,工人待遇從來唔合理,即使願意出嚟發聲,但又有邊個真係可以幫到佢哋呢?
呢個花名叫「小鐵漢」嘅Kansas,今年2歲。佢喺媽媽Doris產檢時已經發現心臟發育不全,出世冇耐已經做咗3次開腔手術,仲喺心口留低咗一條長長嘅疤痕。作為爸爸嘅Jayco為咗鼓勵囝囝,決定喺身上紋上一模一樣嘅「疤痕」,誓要做「疤痕父子兵」咁話呀!
你知唔知2019年至今呢4個月,原來總共發生咗大約250宗自殺個案?

呢個數據係嚟自一位叫Benny嘅記錄者,佢喺年頭整咗個記錄香港自殺個案嘅統計表。佢話咁做,係因為留意到有好多人因一時睇唔開而做傻事,所以希望大家關注香港自殺問題,同時亦希望關心一下身邊嘅人,因為一句說話都可能救得返一條寶貴人命㗎。
好多女仔都視減肥係「終身事業」,為咗要盡快變瘦可以無所不容其極。Katri話佢試過用無數偏門方法,但係每當唔開心嗰陣佢都會用食嘢嚟發洩,結果減完又肥,幾年間體重4次超過200磅,仲差啲因為咁而死㖭。不過佢話,唔係因為死過翻生都唔會知,原來以前嗰個亂咁減肥嘅自己,真係好天真好傻呀!
人人都鍾意食薯條,咁你又有幾鍾意食薯條?

呢個自認係薯條KOL嘅「我係薯條控」話,佢鍾意到每個星期都要食幾次薯條,食完仲會寫埋食評,甚至研究點嘅薯條先好食。佢話唔係要畀人知自己對薯條有幾咁著迷,而係要大家知,食薯條呢樣咁普通嘅嘢都可以好有品味!
咦,呢位巴打咪係早排網上瘋傳「幪面超人變身」短片入面,最多人讚扮得似嘅參賽者?嘩,而家連日本嗰邊都開有post討論,仲話要向你致敬啊!雖然都有人笑唔知醜又笑佢好毒,但計毛毛話,全情投入去做自己鍾意嘅事嗰陣,其實一啲都唔毒,仲好鬼死有型𠻹!
出版咗22年嘅漫畫雜誌《Co-Co!》突然宣布停刊,呢件事喚起好多曾經睇呢本漫畫長大嘅人熱烈討論。雖然人大咗已經冇再睇《Co-Co!》,但對於好多人嚟講,《Co-Co!》盛載住嘅唔止係一個個連載故事,亦係一個已經一去不復返嘅童年回憶…
「死喇,唔記得帶銀包。」
「唔緊要,拎去食住先,你放學再返嚟畀錢我啦!」

你冇聽錯,呢個喺何文田學校區做流動雪糕車小販嘅華哥,真係唔介意學生哥賒住數先,甚至有時仲大方到,你帶唔夠錢都照平賣畀你。嘩,乜咁做生意都得啊?呢個傻得嚟又有啲人情味嘅華哥笑笑口話:「唔係下下都計賺蝕嘅,最重要係班塞豆窿開心啊!」

毛記電視網站 · 版權所有 · 不得轉載 Copyright © TVMOST.COM.HK All rights reserved