C朗上咗日本綜藝節目「水曜歌謡祭」做嘉賓，竟然畀人安排同班現場觀眾一齊喺台下揈毛巾，C朗唯有喺度巾揈揈咁唔知做乜巾，神情相當詼諧。

台上嘅歌手同dancer有佢哋揈，C朗坐係台下無奈咁揈埋一份，個表情仲無癮過一班收工先嚟八號波嘅打工仔。

揈揈下，唔知係咪錯覺，總係覺得佢某隻手指好似蠢蠢欲動想舉起咁。

唔知揈巾舞係唔係日本文化重要瑰寶之一啦，呢啲亞洲文化嘅嘢鬼佬識咩吖。就好似拜年咁，你睇下意甲迪羅斯今年新年個「拜個早年」樣，同C朗個揈巾樣有得揮呀。

不過要數到最無奈球星，又點可以唔數有我哋亞洲嘅代表亞洲亞洲同佢慶祝大壽嘅岩布仙尼呢～諗起佢我又想唱生日歌畀自己聽，（其實我個個生日都係咁㗎啦有咩咁特別喎）！

下次你哋搵外國球星做嘉賓之前做好啲文化膠流先啦，搞到人哋拎住條巾唔知做乜巾咁就唔好啦。

C朗揈巾片：