2015年07月28日 星期二
【 循環再用】強國環保扇貝殼
強國一向致力推動環保，唔止廁紙要環保，嘢食都要！《安徽商報》報道，有啲無良食肆循環無限loop扇貝殼，再加上cheap cheap死扇貝肉，扮係新鮮扇貝賣畀人食。
「組裝扇貝」嘅肉同殼冇連接，只要郁一郁佢，塊肉就會跌出嚟，明顯唔係同一個阿媽生。
《安徽商報》記者親身到過賣環保扇貝嘅燒烤店睇過，見到伙計會將枱面嘅「啦之」分類，食剩嘅扇貝殼會單獨放入一個袋回收，其他「啦之」就直接扔去路邊嘅局長度。
回收得扇貝殼，你估蠔殼就唔會咩？
之前有報道話，有邊爐店回收湯底，甚至就算個湯底有煙頭，都會隔走佢又再用過，強國結合環保同創意，堪稱環保強先鋒！btw，希望呢股環保風氣唔好吹到嚟香港，毛毛好鍾意食菠蘿炒飯……
