唔知正苦官員係咪都係用條直必腸嚟諗嘢呢，呢排有個前正苦規劃師薜國強因為取消電車已經發表咗多番偉大言論，今日佢又發功啦。

呢位前正苦規劃師之前已經話電車因為冇效率所以應該要全面取消，今日上電台接受訪問時更自爆話自己行路可能仲快過架電車喎！唔通佢就係小明？

原來電車最高時速每小時有成55公里！毛毛認為呢位人兄有可能係體育界嘅明日之星，強烈要求佢去參加馬拉松，甚至奧運，為港爭光呀！

網友對於呢件盛事都熱烈支持㗎！

其實有啲嘢就唔係鬥快就得嘅。而家香港變到剩係重視效率，其他嘢好似完全唔重要咁，希望電車最後唔好變到同西環般咸道嗰幾棵樹咁同一命運啦。

資料來源：蘋果日報、維基百科、小心駕駛(討論別人駕駛態度)