戰爭勝利70周年，除咗慶祝多咗9月3號呢日假，當然都要回望歷史。CCTVB《星期日檔案》就好有心咁製作咗3集抗戰系列，同大家探討抗戰歷史。

節目入面，為咗令大家更加容易明白，就用地圖同國旗嚟表示戰役情況。日軍用太陽旗嚟表示，咁中國軍，就梗係用五星紅旗啦。好符合（CCTVB嘅）囉直呀。

但其實節目入面提到嘅戰役，好似「台兒莊戰役」同「武漢會戰」咁，都係193幾4幾年發生，而偉大嘅五星紅旗，係1949年先有㗎！唔通五星旗見抗戰咁艱難，所以搭時光機返去幫手打日本仔？CCTV都唔好意思做嘅嘢，CCTVB都夠膽做，希望阿爺會出手救下佢，等佢唔使再盈利插水啦！

資料來源：星期日檔案、維基百科