根本腥港人就口裡說不，身體卻很誠實嘅。你話唔係？唔係點會咁多豬妹成日淘寶買衫喎！淘返嚟又平又方便，嗚呀，毛毛而家都想偷偷地開個淘寶嚟睇下有咩寶貝呀！

淘寶其中一個特點就係客服嘅態度！佢哋會尊稱買家做「親」，又會好有耐性咁解答問題，買廿幾蚊嘢都可以享受到VIP式待遇，完全係蔗渣與燒鵝嘅道理！

但係有位網友就遇到個憤青店主。話說佢淘咗件衫之後發現穿咗個窿，想問下店主有冇得退錢啦，點知店主竟然話香港人呃錢唔成就畀差評！

但其實嗰位網友當時根本未畀評價，係見個店主咁講嘢先嬲到畀差評囉！唔通個店主有預知能力嘅？！既然係咁，憤青店主話「怪不得回歸不了中國」，希望都會成真啦！