香港大大話話都回歸咗18年啦，口裡說愛國，遺物卻很誠實。好彩正苦最近終於醒覺，決定要「去殖民化」！

首先要整治嘅就係呢啲大大個皇冠刻住喺度嘅郵筒，你哋當阿爺死㗎？雖然而家已經冇乜人寄信，但只要呢啲皇冠一日仲喺度，阿爺都會以為我哋人心未回歸㗎！呢啲遺物，一定冇得留低！有啲智將提出咗個好有建設性嘅建議，就係用塊鐵板遮Q住咗佢！

咁又啱喎，根據689嘅神邏輯，「皇冠遮住咗，皇冠就唔存在」㗎啦～不過就咁遮得嗰少少位，似乎唔夠得體，亦都唔夠徹底。要遮，就要成個遮嘛！

不過，講到徹底，就邊止得郵筒要遮吖？香港仲有好很多英籍遺物囉！

閒閒地數一數，都已經數到一大籮：女皇頭銀仔呀街名呀教堂呀禮賓府呀之類咁，遮得嘅就遮，遮唔到嘅就必須要移除！呀，仲有，嗰啲咩英中，通通要變晒做普中，普通話中學呀。唔准再學英文，全部同我學普通話！

Er⋯⋯不過普通話拼音都係英文字母嚟，咁點算？

最後，亦都係最重要嘅，呢個人要「去殖民化」囉！改名呀！振英振英，振興英國咩？移除你吖嗱！

封面圖片來源：蘋果日報