【長知識系列】樹木過於高大會影響市容

正苦成日都叫我哋要包容,但係有啲人就連一棵樹都包容唔到。好似最近就有網民喺柴灣影到,有議員竟然話啲樹影響市容呀,咩樹呀而家?

圖片來源:FS Chan Edmond‎

睇嚟呢位議員心入面嗰把尺同港鐵捉樂器入閘一樣咁嚴厲呀下!佢仲話啲過於高大嘅樹影響市容𠻹!下?高大就影響巿容?咁馬德鐘呀姚明呀嗰啲點算?嗯,不過停一停、諗一諗,可能佢想話遮住咗司機視線,會有機會發生意外,搞到成地血淋淋,咪影響市容囉(好似係)!

呢位議員嘅遠見同神邏輯,我哋真係識條鐵呀!不過影響巿容嘅又何止呢棵樹吖?佢仲有啲親戚成日講錯嘢用錯字,阻礙巿民認識祖國、愛國愛港呀!

不過又唔可以一概而論嘅,樹之中都有啲好使好用嘅樹嘅,就好似呢棵喺Mega Box側邊嘅樹咁:

圖片來源:出去睇豪宅(好似係)嘅腦細

又做到宣傳,又善用土地空間,真係一舉兩得呀!

 

封面圖片來源:FS Chan Edmond‎

資料來源:柴灣人柴灣事

毛記電視網站 · 版權所有 · 不得轉載 Copyright © TVMOST.COM.HK All rights reserved