好快又到區議會選舉喇，個個候選人都出盡奶力宣傳，希望各位可以投下神聖嘅一票～而黃大仙下邨呢個候選人都有佢特別嘅宣傳技巧......就係大sell誠實！連自己嘅興趣係玩公仔同識女仔都話埋畀大家聽呀～

但係香港啲人行路快過電車㗎嘛，你又唔係囡囡，邊個咁得閒停低慢慢睇你啲字啫...... 

不過見你個慈善團體網頁大大隻字寫住：「堅決擁護中華人民共和國中央人民政府」，我就原諒你一次咁多啦～其實想做好宣傳，學下呢個禮義廉嘅候選人咪得囉！

一個小小嘅門口位已經可以貼成三四十張海報，咁就唔驚見佢唔到啦！而且仲充分展現咗佢具備解決土地問題嘅能力?～香港最嚴重嘅問題咪土地問題囉，唔揀你都唔得呀！衰豬～

封面圖片及資料來源：‎馬鞍山之友、iou.hk、西環變幻時

回帶：大師 我是咪中咗幻術呀？！