【炒家神羅直】唔加租就要返去原始時代?

毛毛身邊好多廢青朋友都會租工廈單位做studio或者自己搞下小生意咁,貪佢啲租平啲啲咁多吖嘛,不過呢幾年香港工廈啲租金都貴咗好多喇(其實邊度唔係?),港台節目《鏗鏘集》就訪問咗幾個工廈炒家,佢哋咁樣樣講。

圖片來源:《鏗鏘集》截圖

根據呢個炒家嘅神羅直,唔加租就冇人賺錢,冇人賺錢經濟就唔會發展,最後可能連成個社會都要去返原始時代。真係活到老學到老呀,原來一個社會發展係來自加租!咁唔怪知得而家香港發展得咁好啦,直頭係商機處處,無限商機呀。Btw,租金係錢,人工又係錢,呢幾年租金就係咁加,咁人工呢?

圖片來源:cdiorg

Sor99ly,講咗個殘酷真相畀大家知𠻹。樂觀啲睇,其實一年加一蚊都叫做有加人工吖係咪先。冇事嘅,毛毛相信我哋做到死再輪迴下一世再做到死再輪迴下一世再做到死再輪迴下一世再做到死再輪迴下一世⋯⋯應該就會追上樓價㗎喇(好似係)。

想聽下班炒家嘅goodest logic金句?嗱重點喺14:16開始呀。

 

封面圖片來源:《鏗鏘集》截圖 

資料來源:cdiorg 

毛記電視網站 · 版權所有 · 不得轉載 Copyright © TVMOST.COM.HK All rights reserved