【你識條鐵】LOL冠軍都唔光榮?

毛毛一直都相信「勤有功、戲有益」呢個道理,不過呢個世界硬係有啲人點極都唔明囉!

圖片來源:Huang Yunsing/爆料公社                                      

有個台灣網民post咗張佢小朋友嘅日記出嚟,上面寫住咗個小朋友之前睇電腦遊戲英雄聯盟世界賽嘅感受,仲話希望下一次台灣代表隊可以拎冠軍𠻹!成件事好pure好true吖,人哋都係一個小學生啫。點知老師睇完嘅評語居然係:「這種冠軍很光榮嗎?」

嗱老師,你咁講就唔啱喇!識打機其實真係可以好有出息㗎!我唔直接答你,用例子答你:

圖片來源:亜細亜(Twitter)

圖片來源:亜細亜(Twitter)

日本有個學生就係因為打得《戰國無雙》多,記熟晒入面啲歷史人物呀地名呀咁,結果測驗嗰陣拎咗勁高分呀!佢媽媽仲公開大讚個遊戲廠商𠻹!

外國有個youtuber叫pewdiepie仲打機打到買豪宅同女朋友一齊住呀!直情係人生嬴家!

圖片來源:每日郵報

所以話打機冇出息嘅人實在係太天真太傻喇!唔係日日操TSA先叫叻㗎!

 

封面圖片來源:

資料來源:爆料公社、 每日郵報 

延伸閱讀:【打機拎高分】家長多謝《戰國無雙》

毛記電視網站 · 版權所有 · 不得轉載 Copyright © TVMOST.COM.HK All rights reserved