毛毛自從完咗小學每日一篇之後，就好耐冇課外閱讀喇，有時間梗係睇面書啦，唔通睇書咁悶咩！不過吳克儉都唔同呢，做得教育局長，一定巧勤力巧好學，佢畀蔣元秋訪問嘅時候就話自己大學畢業之後，每個月都睇30本書喇。

每個月都睇30本書，即係一日一本，仲辛苦過每日一篇喎，不過只要堅持，毛毛相信吳局長你做得到嘅！

之後吳局長愈吹愈大，話自己搭10幾個鐘頭飛機，已經睇到10幾本書！真係識得把握時間呀下，毛毛屈腳趾一算，輕鬆易睇嘅純港產法式旋轉型雜誌《100毛》都有60幾70頁，當吳局長睇嘅書有100頁喇，都唔易1個鐘睇得晒喎，就算係野生動物圖鑑《龍虎咩》都丁唔切啦……等毛毛計下幾耐睇1頁先！

巧叻叻呀，唔使1分鐘就睇完1頁，不過都唔使唔抵得佢嘅，等毛毛些牙下做速讀大師嘅秘笈啦！

資料來源：Ann Chiang