話說噚日城大民主牆出現咗一首由祖國母親所寫嘅詩，震驚全世界。（回帶：【打完飛機未】而我不知道誰是祖國母親）

點知呢首詩同埋民主牆上面嘅其他大字報，就係啱啱，畀一個疑似強國學生撕走晒喇……

雖然影唔到撕嗰一刻，但係就有網民拍片影到呢個白色衫嘅男仔係咁執枱面同地下啲紙，而段片個caption就寫住「民主牆的東西是可以隨便撕的？」囉。有喺現場嘅城大同學仔就話，原來當時有幾個強國學生都諗住阻止佢，不過可能個男仔太環保喇，見到一張張A4紙畀人貼喺幅牆度實在睇唔過眼，先會無視民主牆嘅規則，死都要撕救佢哋落嚟囉（好似係）。嗱毛毛唔準你哋再講佢哋玻璃心呀下！唔係民主牆啲大字報多多都唔夠佢哋撕呀！

封面圖片及資料來源：CityU Secrets