好似話聽日開始又會凍返喇，廢青唔想病就梗係要做好保暖啦！有同學仔就發現佢間學校出咗張好窩心嘅冬日溫馨提示呀！

不過呢張通告唔係叫你著多件衫、小心冷親呀咁，而係話冬天嚟到，預計套套嘅需求將會上升，但因為呢部售賣機嘅套套供應唔多，所以就想提返大家未來幾日套套會供應緊張，小心搞出人命咁樣樣囉！成件事本身係好窩心嘅，但係有冇諗過一班毒L嘅感受呀？你呢張通告，真係一句撻著晒全宇宙嘅毒L呀！最尾仲要加個笑哈哈喺度，好好笑呀而家？我唔理呀，我已經預咗去掃返一打半打嚟傍身㗎喇！凍嗰陣拎嚟當手套同鞋套，既方便又快捷，吹咩（嗚嗚……）！

不過好彩佢都係話啲套套供應緊張，唔係叫我哋將個套套包裝袋扔出窗啫：

毛毛驚扔咗出窗之後個個爭住搶呀，hehe！（做咩啫，唔畀人FF㗎而家？）

封面圖片及資料來源：CUHK Secrets