做人咁辛苦除咗食最緊要都係去返個安樂廁所，最怕就係個馬桶唔好屙呀！正所為為咗生活咩都可以忍，但係個sss塔唔好坐就打死都唔可以忍，所以呢個客人決定寫千字咁抒發自己同個sss坑交流完嘅感受呀！！

就係呢個sss塔，佢犯咗兩個唔可以原諒嘅錯，一！冇廁板，二！企唔穩！

男人老狗已經唔係好似女人咁解決大小都可以坐喺度咁歎，咁難得先可以坐下個馬桶，老子褲都除埋你竟然畀啲咁嘅嘢我？！於是呢位阿生就忍唔住要詳細講低佢嘅不愉快體驗。

睇完呢位阿生嘅鴻文，毛毛都感受到佢坐喺呢個馬桶上面嗰份動感呀。

近排啲顧客意見質素真係越嚟越高，仲有呢張顧客心聲又係寫得又詳細又特別，仲有埋排版?。

唔知上面間餐廳會唔會好似店長咁好心機寫返千字文回應廁客文豪呢？