毛毛知道鄰近經濟強國嘅工業園區最近發生咗山泥傾瀉意外，超過70人仍然失蹤。不過經過救援人員3日嚟日以繼夜夜以繼日咁進行拯救工作，佢哋終於喺今日探測到生命跡象喇！

咦！生命跡象原來係隻雞？不過，雞都係有生命，救到一隻雞都係一件好事吖！毛毛要喺呢度感謝黨！唔係佢出咗咁多人力物力，點會救到隻雞呀？要感恩呀知唔知？

你睇下個救援員仲係度安撫隻受驚嘅雞雞，唔講仲以為佢食食下飯想加餸?！呢位哥哥仔仲話呀，救援隊會養住隻雞，因為佢係代表住希望咁話喎！真係好有愛，直頭感動全宇宙呀！

其實之前汶川大地震嗰陣，都有隻代表住堅強嘅豬，強國人仲幫佢改咗個名做豬堅強?！救災救到連吉祥物都有，強國就是強呀！