有冇人同毛毛一樣都覺得袋鼠係動物界中嘅MK仔呀？

佢哋好似成日都無所事事咁，周街撩交打，仲練到鬼死咁大隻：

扮到明睇唔起毛毛呢啲一隻手指尾就捽得死嘅毒男啫！不過唔係隻隻袋鼠都咁肌肉型嘅，最近澳洲就有隻好有愛嘅袋鼠爆紅呀！

呢隻眼大大超打耳嘅袋鼠，其實係孤兒嚟㗎！喺佢五個月大嗰陣，袋鼠媽不幸畀車撞死，好彩當時有個專幫孤兒小袋鼠嘅網民帶咗佢返屋企照顧，直到佢完全好返晒，可以自己生活喇，就放返佢去野外。

但係呢隻袋鼠大個咗之後笨冇忘記恩人，周不時返外家探佢之餘，冇人應門嗰陣佢仲識得用個拳頭仔敲門?！期間佢消失咗幾個星期，到佢出現返嗰陣，原來仔都生埋，仲帶埋自己個BB去見恩人呀！

古乳有暈，女仔都係黐家啲嘅！聽講呢隻袋鼠而家時不時都會帶住BB返外家，恩人估佢係想畀自己個BB喺個安全嘅地方玩喎～能夠令到真毛孩可以咁信任自己，仲連仔都帶埋去見佢，毛毛都要畀個叻你呀！

封面圖片來源：thedodo/reddit

資料來源：thedodo、自由時報、gaiadergi