喺咁多隻小精靈入面，毛毛最鍾意嘅都係比卡超。佢唔單止同小智並肩作戰，仲一直陪住毛毛成長。學網民話齋：佢哋唔係寵物咁簡單，仲係同伴嚟！（回帶：寵物小精靈唔係寵物 係一齊成長嘅同伴！）而台灣有個網友就同毛毛一樣咁鍾意比卡超，仲特登去買咗隻比卡超杯緣子?！

佢啲款都好靚好打耳㗎，有唔同姿態、唔同表情，講真真係幾好丁。

呢個網友諗住隻隻都咁得意，今鋪無論係抽中邊隻都唔會中伏啦！點知，少年你太年輕了......

P你個K！呢隻咩嚟㗎？！嚇到毛毛個心都離咗一離呀！原來佢抽中咗特別版－由百變怪變成嘅比卡超杯緣子呀！網民表示喊出嚟......中咗呢隻咁嘅樣嘅特別版，都唔知係好彩定唔好彩喇......

封面圖片及資料來源：批踢踢