【終極智將】公安幫疑犯打格 竟然係加馬賽克三個字?

毛毛唔准你哋再笑強國公安呀!人哋做嘢不知幾認真幾嚴謹,仲用自己嘅方式,發明咗個「富有中國特色嘅打格仔方法」,真係巧叻叻㗎!

圖片來源:中警安徽

是咁的,話說前排強國發生咗單拐女童案,有個細路女喺村口玩緊嘅時候畀2個揸住電單車嘅男人捉走咗呀!

圖片來源:中警安徽

強國公安做嘢出咗名有效率,話咁快就捉咗啲嫌疑犯返嚟喇!仲up埋上微博話畀同胞知佢哋有幾叻叻𠻹!不過因為啲疑犯嘅相冇經過處理,畀人投訴,一向最聽百姓話嘅公安就即刻改過晒啲相喇:

圖片來源:中警安徽

嘩,強國嘅科技真係日新月異呀!佢啲格仔打完之後……係仲見到啲人樣㗎!頭頂仲要有馬賽克三個字𠻹!唉,唔通呢個係班拐子佬個名嚟又話你知咩!你話如果日本啲騎兵片都可以參考強國嘅做法,咁樣樣打格仔就好嚕。

圖片來源:中警安徽圖片來源:中警安徽

不過有啲人就話其實係專登咁樣打格仔嘅,目的係想畀大家認清佢哋個樣,可以小心提防喎。之但係呢幾個唔係嫌疑犯嚟嘅咩?定咗罪喇咩?唉好亂呀,強國嘅法律毛毛真係識條鐵呀!

 

封面圖片及資料來源:中警安徽微博

毛記電視網站 · 版權所有 · 不得轉載 Copyright © TVMOST.COM.HK All rights reserved