毛毛唔准你哋再笑強國公安呀！人哋做嘢不知幾認真幾嚴謹，仲用自己嘅方式，發明咗個「富有中國特色嘅打格仔方法」，真係巧叻叻㗎！

是咁的，話說前排強國發生咗單拐女童案，有個細路女喺村口玩緊嘅時候畀2個揸住電單車嘅男人捉走咗呀！

強國公安做嘢出咗名有效率，話咁快就捉咗啲嫌疑犯返嚟喇！仲up埋上微博話畀同胞知佢哋有幾叻叻?！不過因為啲疑犯嘅相冇經過處理，畀人投訴，一向最聽百姓話嘅公安就即刻改過晒啲相喇：

嘩，強國嘅科技真係日新月異呀！佢啲格仔打完之後……係仲見到啲人樣㗎！頭頂仲要有馬賽克三個字?！唉，唔通呢個係班拐子佬個名嚟又話你知咩！你話如果日本啲騎兵片都可以參考強國嘅做法，咁樣樣打格仔就好嚕。

不過有啲人就話其實係專登咁樣打格仔嘅，目的係想畀大家認清佢哋個樣，可以小心提防喎。之但係呢幾個唔係嫌疑犯嚟嘅咩？定咗罪喇咩？唉好亂呀，強國嘅法律毛毛真係識條鐵呀！

封面圖片及資料來源：中警安徽微博