想當年，毛毛仲係一隻小學雞嗰陣，次次同阿媽出街都會拖實阿媽隻手，嘈住話要買玩具呀、食雪糕呀咁，嗚呀！諗返起呢啲畫面都有啲眼濕濕......唔好問毛毛點解突然咁感性，唔通因為睇到呢隻北極熊BB，一時矯情又話你哋知咩！

呢隻北極熊BB得四個月大咋，好似仲話係第一次出去探險?～吖，唔知係咪好似毛毛咁細膽，所以先捉住阿媽唔放呢？

聽講呢輯相係出自外國一個專影野生動物同大自然嘅攝影師，佢話原來北極熊BB通常頭三個月都會宅喺自己個洞穴度，到第四個月先會出嚟探險，而呢個攝影師為咗捕捉呢個情景，喺大風雪下等咗足足117個鐘呀！

攝影師仲話雖然過程好辛苦，但呢啲咁珍貴嘅經歷係無價㗎！

唉，睇到啲咁得意嘅相，真係又要用感性mode講，希望人類可以好好保護大自然，唔好令咁多動物面臨絕種啦......

資料及封面圖片來源：Daily Mail