到底切pizza嘅時候如果人數係單數除咗捅死單丁嗰條友之外仲有咩方法可以分得公平呢？一班食飽pizza冇sss屙嘅數學家終於有偉大驚世研究成果喇！

多謝晒啲勞苦功高嘅科學家為咗令人類有突破性嘅進步日夜辛苦咁研究，實在太偉大喇佢哋！（係，毛毛都知神探伽利略係物理學家唔係數學家吖嘛，是旦啦都係懶型咁計嘢啫。）

英國利物浦大學嘅兩位數學家發表咗呢項研究成果，佢哋表示用呢種方式切pizza係最公平，仲話可以滿足到想食邊同唔想食邊嘅人。呢種切法喺數學上冇極限，只要重複相同嘅步驟，就可以切出無限塊一樣大小嘅pizza咁話喎。

仲研究咗好多切pizza嘅幾何概念圖，真係睇到都覺得深奧。


呢個係進進進階版。

有人將佢個進階版做咗個實驗試下切出嚟，好努力咁切呀切呀切終於切成咗唔知幾多塊喇。



不過切到咁，成塊pizza仲要個個方位都畀手指撳過晒，毛毛就見到都唔開胃喇。

來源：新浪、英國鏡報、newscientist