【最強扮工王】射波射到六年冇返過公司 冇人發現糧照出

毛毛日日反覆思量到底點先可以喺office入面肉體存在但係精神消失,不過竟然有人可以精神同肉體都一齊消失咗六年都冇人知,仲要𢭃足咁多年糧呀!師傅!請受毛毛一拜!

呢邊就有人日日返工都冇糧出,但係喺世界嘅另一邊,就有人冇返工足足六年都照有糧出,公平咩?!
圖片來源:metro uk
有位喺西班牙扮工嘅打工仔係呢個水務機構嘅職員,佢足足曠工咗六年都冇人發現,但係就照袋咗大約32萬港紙嘅年薪呀!!!咁都冇人發現係因為佢原本間公司同另一間公司合作嘅時候,兩間公司都以為呢條友喺對方嗰度返緊工,所以佢就兩邊都唔返,射波射到底~

最後畀人發現咗,都淨係判佢賠返24萬港紙左右咋,即係一年人工都唔夠,但係白𢭃咗成五年人工呀~~

不過可能毛毛都係自己FF如果消失咗會有人搵毛毛,個真相應該係毛毛冇返工都冇人知,冇人醒起乜原來有呢個人嘅咩......

來源:《六點半左右新聞報道》 4/2 亞視永恆,拖薪冇義氣!metro uk 

毛記電視網站 · 版權所有 · 不得轉載 Copyright © TVMOST.COM.HK All rights reserved