呢排天氣時凍時熱，著得少落街又驚吹到病呀，著得多呢一上到車又焗到死，搞到都唔知著乜出門口好。不過台灣呢個妹妹就醒呢，學佢咁著，一定冇得輸！

哦，冬天著短褲出街啫，好多妹豬都係咁愛靚唔愛命㗎啦，冇乜出奇。咁諗你就錯喇！睇清楚啲！佢嗰條係本年度最潮嘅唔長唔短褲呀！條褲表面上係短少少嘅長褲，實質上又係長少少嘅短褲，由大髀開始加入流行鏤空元素，個大窿一直穿到落小腿，腳眼先輕輕包一包返對腳。

嗱嗱嗱，真係唔好笑人哋呀，韓國妹豬都係咁著住嚟又唱又跳㗎！

呢個發明真係幾偉大，夏天就正面行路，冬天就倒轉行路，fit晒。毛毛都畀呢條褲啟發，諗咗件冬暖夏涼Tee出嚟！啱晒想有安全感又唔鍾意束縛嘅人，仲要男女都著得㗎！夠10000000個like毛毛就搵的神女朋友親身示範，唔好走寶呀！哎呀，唔記得小莉得個頭㗎?……

封面圖片、資料來源：●【爆廢公社】●