早排放新年假有冇去大埔許願樹先，毛毛就有去掟橙喇，不過足足掟咗50次先掟得中，是咪即係話毛毛要50年後先可以達成願望呀……毛毛許咗咩願？咪希望快啲搵到女朋友囉……

馬來西亞都有人放孔明燈搵男朋友呀！仲清清楚楚List晒有咩條件，方便月老幫佢一擊即中呀嘛！睇下有咩條件先，多金、高富帥、不煙不媎不酒不賭，嗯，都唔係好難搵到啫……仲要溫柔體貼得嚟又有啲成熟，嗯嗯，ok呀難度唔係好高啫……仲要有電眼同6嚿腹肌，嗯嗯嗯，實有嘅實有嘅。

點知毛毛睇到最右下角嗰句，「只要帥，以上可略過」，嗯嗯嗯嗯，呢個世界真係好現實。冇咩毛毛都係出返去做嘢先。

毛毛知許願搵女朋友係難啲達成㗎喇，仲有呀，女女就一星期見幾次，腦細就日日都要見喎！不如搵個好腦細仲實際！

封面圖片、資料來源：●【爆廢公社】●