而家啲人最鍾意咩都影一餐，食早餐又影，塞車又影，如果無啦啦見到得意動物仔，更加要影相放上網呃like呀！但係最近就發生咗一件因為影相惹的禍！

最近阿根廷有條小海豚畀泳客捉咗上沙灘，唔使去動物園都有海豚睇喎，班泳客梗係唔會放過呢個難得嘅機會，爭住要同小海豚合照啦。

睇下幾多人圍住條小海豚，個個都當佢玩具咁掛住影相，一人影5秒都有排影啦，最後，可憐嘅小海豚就因為脫水和身體過熱而死亡。見到得意動物仔想影下相係好正常，但大前題係唔可以打擾到隻動物！唔通影相呃like真係咁重要？！

小海豚畀人玩完一大輪，最後仲被棄屍沙灘。相信唔少人見到呢一幕，都會覺得好心酸。小海豚，R.I.P.。

講起海豚，毛毛都諗起香港嘅中華白海豚呀。之前正苦hard sell三跑嘅時候，又話會保護中華白海豚，點知後來為咗遷就三跑工程，就要啲高速船改道，經過中華白海豚棲息水域。咁都唔止呀，而家仲話同意容許船隻間中超速?！

封面圖片來源：La Nacion

資料來源：La Nacion、蘋果日報