2016年02月21日 星期日
香腸加咖啡係咩玩法？
話說最近有日本網民諗住喺google度search下「ウィンナーコーヒー」（即係維也納咖啡）係點樣樣啦，點知google大神竟然出咗個咁嘅搜尋結果喎！
嗱，維也納咖啡就畀佢search到喇（即係右上同中右嗰兩杯），但隔籬嗰幾杯......成條腸仔浸咗落杯咖啡度嘅？乜而家潮流興飲「香腸咖啡」㗎咩？
唉，大家又喺度大驚小怪，其實呢啲「香腸咖啡」不嬲都有㗎啦，腸仔嘅鹹香味再加上咖啡嘅苦澀味......毛毛真係諗起都覺得興奮！btw，聽講而家仲進化到連「獅子狗咖啡」都出埋喇喎......
嗯，既然都有腸仔同獅子狗咯，咁就唔爭在放埋毛毛平時打邊爐最鍾意食嘅肥牛落去啦喂！
封面圖片來源：zu3446
