聽講好多人年少無知嗰陣都好介意同人哋一模一樣，個個都想做最特別、最與眾不同嘅一個，有人會走去染髮，亦都有人會整返個紋身，但其實呀，到大家開始長大、變得愈嚟愈成熟嘅時候，就唔會再介意呢啲嘢㗎啦～最緊要係活得自在呀嘛！下，咁簡單嘅道理都唔明？嗱，等媽媽們示範過你哋睇啦：

話說早幾日，一個來自台灣嘅Fb page「精神科觀察日記」就up咗一張震驚幾十億人嘅相......嘩，只係一下快門就捕捉到五個無論髮型定衣著都好L似嘅媽媽s喇！唔講仲以為毛毛眼花?，真係嚇到個心都離一離......不過講到似嘅，之前呢個台灣網民見到嘅呢三個妹豬s仲似啦，連衫嘅顏色都一樣㗎！

btw，其實啲媽媽s整埋同一個髮型，著埋同一件紫色羽絨又點喎！你哋估做人阿媽咁易㗎？日日打理屋企、照顧你哋班衰仔衰好好辛苦㗎！其實整個咁嘅Look都係想方便自己做家頭細務啫，仲有呀，深紫色冇咁易整污糟呀嘛......唉，你哋知道阿媽辛苦就多啲返屋企食飯啦。（感性mode off）

封面圖片來源：精神科觀察日記

資料來源：精神科觀察日記、陳倫／●【爆廢公社】●

回帶：【Ctrl+C Ctrl+V】前面嗰三個女仔一L樣嘅喂？！