唔知點解，老人家總係有鋪儲嘢嘅癮。成個床下底放滿餅罐是常識吧！而外國有個婆婆都儲咗粒石成八年咁多，仲要擺埋上枱當擺設?！

喂驟眼睇又真係幾靚喎，白雪雪咁，上面仲有啲特別嘅花紋！唔通呢粒就係傳說中嘅白色珍珠？

喺另一面睇仲可以見到佢個心入面有七彩顏色?！阿婆當正佢係如珠如寶咁，毛毛9估，呢粒石應該都幾名貴，冇十萬都要八萬喇啩！點知佢個不孝孫仔竟然喺網上開post踢爆佢，話原來呢粒石係......

冇錯，就係呢隻叫做Gobstopper嘅糖！佢有分好多隻size，咁啱阿嫲收藏咗八年嗰粒，就係size最大嗰個......

嗱，計毛毛話，阿嫲呢啲先叫做有taste囉！本身平平無奇嘅一粒糖，去到佢眼中就變咗做收藏品！呢種欣賞嘅眼光，唔係好多人做到㗎咋，就好似毛毛收埋咗自己廿幾年咁，但係都仲未有人發掘到我呢粒珍寶咁囉......唉......

封面圖片及資料來源：Imgur