話說毛毛早兩日同盤菜瑩子憑感覺喺條街行嚟行去嘅時候，突然聽到一把有坤哥嘅感覺，但比坤哥年輕嘅天籟之音，一個180度華麗轉身之後，發現真係有一個完全脫晒毒嘅全新造型坤哥！！一齊睇過睇過～

你睇下，個髮型執一執啫，即刻成個觀感Fit晒！

認真工作嘅難忍真係引死人，再配埋佢嗰把迷人嘅髮型，毛毛真係好唔順氣，係心跳加速到唞唔到氣呀！

坤哥，你副眼鏡又起霧呀？意咦，原來係反光，不過你個Look咁Sharp醒，真係反咗光都認得你呀！

個Look唔同咗，真係唱句歌都肉緊過平時，毛毛暈喇……人嚟呀！

咁難得見到坤哥個Look咁大轉變，梗係好趁型仔留倩影啦～嗚嗚，中間個位可唔可以留返畀毛毛⋯⋯

圖片來源：明報、毛毛對眼