毛毛幾時都話祖國公安做嘢最有透明度嘅，一路拉犯審犯會一路喺微博up相話畀同胞知公安做緊嘢冇偷懶，咁至係做實事㗎嘛！點似得冏方咁呀，查完一大輪先喺電視賣新聞，咁冇效率！

噚日湖北公安又喺微博post相話畀大家知佢哋破獲咗個電腦詐騙集團巧威威喇！不過呢，一日未定罪，都要保護疑犯個樣嘅，所以公安就幫佢哋遮一遮樣喇～但係次次都用打格仔，好悶㗎嘛，不如搞搞新意思，用得意公仔sticker啦！

國家要開放，公安都要開放，率先追上潮流，用sticker幫疑犯遮樣，咁先可以打好後生仔嘅關係㗎嘛～所以話，識玩鬚鬚media一定係咁玩，毛毛都要學下嘢呀！

啲公仔真係萌到爆呀，貼落犯罪集團度，中和下啲深深不忿條氣唔順嘅感覺，成個畫面幾咁河蟹呀，一啲違和感都冇！

唔少強國網民都留comment笑公安用嘅「神樣馬賽克」再次出現囉！笑甚麼笑，竹笙！你就笑人用sticker幫疑犯遮樣太搞笑呀，但又有冇諗過，世上有啲人，就算用咗馬賽克，都遮唔到樣呢？

封面圖片、資料來源：十堰市公安局东岳分局官方微博

延伸閱讀：【終極智將】公安幫疑犯打格　竟然係加馬賽克三個字？