而家啲小朋友晝夜無間咁做補習練習想討好老母，但係唔好以為做老母就好簡單，淨係check小朋友有冇做功課就得呀，其實家長一樣要做功課，keep住自己個水平㗎！

通常啲家長呢，都係去下學校家長會食下茶點傾下點湊仔湊女就得㗎嘛，但呢間幼稚園嘅家長就唔同喇，真係落手寫埋家長心聲出嚟，仲足足700字咁多?，唔係得把口㗎！咁先可以體會到小朋友由細細個就要操DSE有幾辛苦㗎嘛，又唔使怕小朋友話「媽咪唔做功課我都唔做」喎～一舉兩得，呢間幼稚園真係用心良苦呀。

毛毛都好希望了解下腦細有咩心聲呀，唔該佢準時交文畀毛毛啦。多謝合作。