就嚟清明，又係一班孝子賢孫慎終追遠，拜祭祖先嘅時候喇！咁拜祖先冇奶油兩手空空咁冇禮貌㗎嘛，咁帶返啲祭品好似紙紮IPhone呀、紙紮馬卡窿是常識吧！

不過偉大嘅強國一早已經打破咗傳統嘅思想框框，燒紙紮祭品都已經表現唔到佢哋滿滿嘅孝心，梗係要搵埋一班性感女女喺墳前勁歌熱舞咁，先夠孝心㗎嘛！

嘩，著晒背心熱褲咁，阿爺見到實硬晒啦…個拳頭，有冇諗過老人家可能唔鍾意呀？阿孫呢一番苦心，阿爺唔睇又唔係，睇又可能畀阿嫲扭耳仔，你話點算好呢？

不過計毛毛就話呢，難得呢個強國孝子唔介意將獻畀阿爺嘅勁歌熱舞公諸同好，大家就唔好對佢有咁多道德嘅批判啦～就好似強國嘅囉直話齋，呢啲係人哋屋企嘅家事，毛毛呢啲外部勢力係唔應該干預咁多㗎！

封面圖片、資料及圖片來源：汕尾新鲜事/微博、蘋果日報