今朝早一返到公司，毛毛就收到個好消息喇！同事話碧鹹會上嚟毛記電視城做主播呀！嘩真係興奮到毛毛全身毛孔同鼻孔都擴張晒呀，仲即刻梳定個靚頭準備集郵?！點知……條友話……愚人節快樂喎……蝦蝦……

OK Fine，一年一度任玩唔男女男嘅愚人節呀嘛，毛毛忍你！日本好多公司都趁愚人節，出post整蠱人呀！好似Kit Kat 咁呀，今日出post話佢哋出咗Kit Kat 壽司呀！創意程度直迫明將喎喂！

仲有最新科技蕃薯wifi！上網又得，醫肚又得，得咗！

10倍超大嘅玩具槍！bb蛋都變BB蛋呀！

Red Bull就出咗Pet Bull，等寵物眼瞓豬嘅時候有得提下神喇！

講講下，毛毛都餓喇，好試下呢款日本首創嘅章魚燒口味蛋撻呀嗚呀！

班日本仔又真係創造力量同幻想會嚇你一跳喎，連整蠱人都整蠱得咁有心機！不過香港代表都唔弱呀，香港航空就推出咗直飛長洲嘅航班呀，又幾方便喎，以後去長洲食大魚蛋冇難度！

封面圖片、資料來源：globaldata.jp、hyperdouraku、Red Bull、PABLOSWEETS、KITKATJapan、Hong Kong Airlines 香港航空