2016年04月01日 星期五
【愚人節限定早餐】呢碟竟然唔係薯條加太陽蛋？
選擇題，如果你已經遲咗起身，你會即刻狗衝飛的返公司吖，定係心諗橫掂都遲到，唔差在食埋個早餐先返呢？老老77，毛毛就梗係揀後者啦，尤其係老婆煮嘅早餐，遲到都要食呀......如果有老婆嘅話。
而有個日本網民就話自己老婆今朝都煮咗愛心早餐畀佢喎～嗱，表面上呢碟係一碟太陽蛋加薯條，但睇真啲......仆你個＿吖，水蜜桃乳酪加蘋果嚟嘅喂？！
要整薯條就學呢個台灣網民咁整埋個M記紙盒吖嘛～睇下，佢連食譜都打埋出嚟㗎：
btw，有有得食老婆早餐咪算好囉，毛毛最多食老麥早餐咋......
封面圖片來源：gigantes_cien／twitter
資料來源：gigantes_cien／twitter、dcard
延伸閱讀：【麥蘋果】乜包薯條咁樣樣嘅喂？
