【畀咗錢就大晒咩】港媽鬧爆空少 見到我個仔都唔識主動柯打兒童餐

毛聊IQ題:亞古獸進化咗就變暴龍獸,咁港女進化咗會變做咩呀?咪港媽囉!話明進化咗吖嘛,咁攻擊力自然都會提升㗎啦!就好似呢位港媽咁,就擺埋佢個超盡(即係children)上檯,去攻擊呢位空少喇!

圖片來源:豆腐空少的飛行日記

睇嚟呢位空少平時都幾訓練有素,防禦力都有返咁上下,無懼呢位港媽嘅言語攻擊,都依然咁有禮貌,係專業喎!不過呢位港媽未為佢個寶貝仔爭取到兒童餐,又點會咁易罷休吖!不過點都估唔到,呢位空少竟然用歧視條例K.O.呢位港媽!

圖片來源:豆腐空少的飛行日記

圖片來源:豆腐空少的飛行日記

圖片來源:豆腐空少的飛行日記

唔係講笑,呢位港媽真係幾有老佛爺出巡嘅霸氣,講嘅說話仲有幾分「見到我個皇帝仔仲唔識下跪」嘅味道𠻹,可惜人哋係空少,唔係你奴才呀,唔會見到你個皇帝仔就會有兒童餐自動奉上㗎!其實人哋都係打份工嘅啫,想人serve得自己好啲,都要你deserve先得嘅!

 

封面圖片、資料及圖片來源:豆腐空少的飛行日記

毛記電視網站 · 版權所有 · 不得轉載 Copyright © TVMOST.COM.HK All rights reserved