毛毛深信，每一個人都曾經有過一段MK歲月！就好似毛毛讀中學嗰陣，成日都以為被老師記過呀，罰下留堂呀，咪就係疊馬，英雄主義囉！但毛毛而家諗返，先覺得嗰陣嘅自己好L無聊，不過都係開心仔嘅！

唔知你哋覺唔覺，中學啲阿sir寧舍小器咁，就好似呢個台灣網友咁，笑下阿sir光頭之嘛，咁佢都係講事實啫，咁都被警告喎！

又有另一位台灣網友，上堂冇啦啦扮雞叫，又被警告喇！其實嗰位網友可能係想叫醒嗰啲上堂瞓故嘅同學啫，用心良苦呀！

不過要數毛毛喺中學做過嘅無聊嘢入面，都莫過於拮個窿喺櫃桶飲奶喇，以為咁樣就會神不知鬼不覺巧威威咁，查實毛毛而家諗返，都唔明點解自己嗰陣上堂咁想飲奶嘅，可能係青春期，需要多啲奶嚟發育嘛！

封面圖片、資料及圖片來源：爆廢公社