如果毛毛見到自己架車上面有有pat雀sss，肯肯定會即刻問候晒隻雀仔嘅屋企人呀，不過哪有車吖，唉……之但喺美國有班警察，佢哋冇嬲不特止，仲開晒遮咁邀請啲雀仔住喺度？

話說呢隻白鴿品味獨特，睇中咗呢架警車做佢個竇，搬晒啲傢俬嚟就咁就住咗喺度，個樣仲要得得戚戚咁，得喇知你成功上車，巧叻叻喇！

其他人見到可能會即刻趕走佢，但係呢班美國警察唔單止冇進行武力驅趕，反而仲舉傘保護佢哋呀！

去到而家仲直情成架警車封埋，唔畀其他人行埋去……毛毛宣佈，白鴿佔領警車行動，正式開始！

無論係人定係動物，幫得幾多就幾多，呢啲咪係堅﹒慈母囉！

圖片來源、資料來源：JTullosCBS19/twitter、the dodo/twitter、City of Parma