日本人cosplay叻就係人都知㗎啦，但唔係下下幾十萬裝備呀cos服呀咁先叫好嘅，毛毛就好佩服呢位阿生喇！事關佢用紙皮就可以神還原到寵物小精靈出嚟呀！耿鬼？難佢唔到啦，幾下手勢就整咗個頭出嚟，幾有霸氣呀！

大鉗蟹都有份㗎！你睇下佢嗰兩隻爪係幾咁鋒利，毛毛隔住個mon都驚畀佢爪親呀真係。

你以為滾動岩一嚿嚿石咁，紙皮會整唔到出嚟？少年你太天真了，開出嚟見毛毛啦！

滾動滾動～一隻滾動岩咁就完美還原咗出嚟喇！啊btw，唔記得咗講，呢個cosplay一開始咗就唔可以除套cos服落嚟㗎喇，你話點解？

因為會即刻霸氣盡失囉……先生你可唔可著返條褲呀下……？

圖片來源、資料來源：little_getter/twitter