大家有所不知，其實毛毛不嬲都好鍾意整手工陶冶下性情咁嘅，最勁嗰次仲試過將汽水樽變做花樽?，真係勁到毛毛講出嚟都驚呀！不過原來毛毛喺呢個網民面前，都只係小毛見大巫……佢竟然連薯片罐都可以變到座塔出嚟呀！

首先，佢就整咗座塔最底部道門同樓梯出嚟……呀唔係，應該係食晒罐入面啲薯片先。

跟住佢就將個薯片罐cut到去自己想要嘅高度，再逐粒逐粒磚咁貼上去個罐度。

然後就到最重要嘅上色環節，出嚟啦，顏料！！！

最後，鋪埋啲草呀樹呀乜乜物物咁，咁就大功告成嘞。

嗚哇，真係靚到黐Q咗線！close濕少少畀大家睇埋座塔內部係點嘅樣啦～有齊晒枱仔櫈仔㗎，是咪好精緻呢？

唉，如果毛毛好似呢個神人咁叻就好啦，毛毛都想整返個送畀女神呀！可惜，毛毛做完第一步「食晒啲薯片先」就唔識整落去……

圖片及資料來源：拆盒網