2016年05月31日 星期二
【老母暗黑料理】阿媽，你肯肯定呢條係煎魚？
世上每位老母都有佢嘅首本名菜，一講出嚟，實震驚13億孝子心靈呀！就好似呢兩碟真. 魚香茄子同原條鯪魚肉屙返出嚟嘅魷魚筒咁呀～
少年，你以為上面呢兩碟餸已經好幽默？你真係太年輕喇，仲未見過大蛇屙尿呀！
上面兩碟餸起碼都仲睇得出係煮緊魚呀，你有冇諗過呢條煎魚嘅感受呀！佢直頭……er……唔講都唔知原來係煎魚呀！毛毛有理由懷疑呢碟其實係最新老母份子料理：鮮榨煎魚濃湯呀！
呢條就似返啲樣喇，一睇就知係煎魚，唔食得都睇得呀嘛！不過好心個乖仔就嗱嗱聲食咗佢啦，事關睇得耐開始有啲毛管棟呀！條魚啲肉一點點咁，密集恐懼仔真係要慎食呀！Between，老母明知自己煎魚唔叻都堅持要煎，都係為咗個寶貝仔啫，條煎魚幾唔似煎魚都要照食啦！
封面圖片、資料來源： PTT
回帶：
