拍嘢要用綠幕做佈景是常識吧，方便key背景上去呀嘛，不過一個唔小心著到成身青BB咁出街就敝喇，隨時畀人當你綠幕咁改圖呀！

啱啱個星期日，英女皇盛裝打扮愛作戰咁出席慶祝生日活動，不過就著錯綠色套裝，由頭綠到落腳指尾，搞到畀班搞鬼PS大神瘋狂改圖呀！

英女皇著起套軍服，都一樣英姿十足！

成日一家人出街都畀小王子小公主搶晒fo，英女皇一於出動bling bling 閃令令套裝，搶返大家注意力！

Pizza定係漢堡包好呢？漢堡包定係Pizza好呢？55，why not both！

仲有呢套super 媽rio套裝都一樣零違和感呀！

嘩啋～執到英女皇得返個頭，嚇到個心離一離呀！毛毛仲想跟佢學嘢㗎！

最sharp都係呢張改圖喇，肌肉英女皇 is sooooooo hot！唔知英女皇又最鍾意邊張改圖呢？

封面圖片、資料來源：Dailymail