今日毛毛睇天氣報告，話過幾日成34度呀！真係嚇到毛毛個心離一離，仲心思思想剷返個光頭唔使熱屎辣辣呀嘛！毛毛得三千條頭毛已經覺得咁熱，咁周身毛嘅狗狗咪仲辛苦？

夏天到喇狗狗，就算你幾驚修毛，都一樣要乖乖地剪剪剪！嘩，不過修毛還修毛，你做咩set個咁潮嘅髮型呀？咦睇真啲，係用佢剪出嚟嘅毛毛set㗎啵～喂呀修毛已經慘㗎啦，仲要畀主人整蠱，又好難怪隻柴狗眼神死嘅……btw，毛毛諗起荷蘭叻手上嘅聖火呀……

次次幫狗狗修毛都有一大堆毛，掉咗佢又好似好嘥咁，但係如果你又唔忍心用嚟整蠱狗狗，不如試下用嚟整返隻mini-me畀佢做好朋友啦！

呢隻激似度99％嘅超級迷你雪橇咪就係用堅・雪橇嘅毛毛整㗎囉！仲要整個甫屎都一樣，真係巧打耳！等毛毛都試下剪完頭毛整返隻mini-mo先！

封面圖片、資料來源： mesomeso1009／twitter、hamusoku.com

睇埋：【世界末日喇】個死人貓奴剪到本主子咁樣樣…