呢期最紅嘅，肯肯定係Pokemon Go啦！一個二個大細路拎住部電話衝出街捉小精靈，終於可以試下做小精靈訓練員嘅滋味，成件事真係好熱血！不過玩還玩，小心出事呀！

毛毛唔係講緊捉小精靈嗰陣要睇車、唔好衝出馬路咁簡單呀。畀車撞就事小，最多咪死，因為玩Pokemon Go，贏咗隻game，輸咗個女朋友就事大呀！

話說美國一男子（Evan Scribner）犯咗個天下男人都想犯嘅錯誤：去搵前女友偷食，食飽飽咁啱見到佢間房有隻小精靈，梗係唔好蝕，順便捉埋佢啦！咁咪出事囉！佢女友一睇個定位紀錄，就知道佢去過搵ex，嬲到同佢講分手呀！唉，人類總是……好心你偷食就偷食啦，玩咩Pokemon Go啫！

上網睇到有啲外國仔仔話自己玩完Pokemon Go成個body操fit晒，毛毛本身都諗有冇咁誇張呀，但係而家終於明點解喇！原來係包埋同ex玩小遊戲再畀女友追殺嘅！

封面圖片、資料來源： SKY7、紐約郵報