毛毛有個怪癖，就係喺街見親啲喵星人都好鍾意去撩佢哋……冇呀唔夠膽去撩女仔咪惟有撩下啲貓仔囉。呢個日本網民睇嚟都同毛毛一樣喇，事關佢前幾日行行下公園嗰陣，見到前面棵樹底下面好似有隻貓咁，就諗住吹口哨嚟吸引主子注意呀！

點知吹極都冇反應，主子郁都唔郁，完全當人類冇到咁樣樣。於是呢個網民又再行前啲，希望可以借啲意親近下主子喇！

啊呢隻貓都幾串，叫極佢都唔應，淨係識伸長條頸，到底有咩睇呀嗰邊？

原來呢隻笨唔係一般嘅貓，而係由樹根變成嘅貓呀！似到咁，老老竇竇呢條樹根會唔會真係成咗精㗎下？嗚哇，毛毛什麼鬼都怕呀！

圖片來源、資料來源：k_a_obukuro／twitter