今日仲唔證據確鑿，捉到喵星人打密碼返喵星嘅證據？！雖然喵星人乃係高智慧生物，自命聖上，當人類係鏟屎官，但再鋒利嘅刀，都有生繡嘅日，喵星人終於失手喇！

之前已經畀我哋睇到喵星人趁貓奴瞓覺偷偷地開佢部iPad監視佢網上活動，

又試過有喵星人撞錯電腦密碼，畀個鏡頭自動影低send咗畀貓奴。種種迹象都顯示，喵星人正係監察緊人類嘅一舉一動，再搵機會報告返喵星。

最近有貓奴搵到最新證據，顯示喵星人定期透過人類未能破解嘅密碼同喵星進行通訊！有個網民話收到男友半夜send畀佢嘅奇怪message，內容全部都係符號同數字，非常之咁可疑呀！

相入面嘅就係疑犯喵星人！相信佢以為手機係外星通訊器，所以趁貓奴洗白白嘅時候用嚟打密碼返喵星，將人類嘅活動向喵星匯報。

提提大家，疑犯喵星人通常事敗之後都會有同一個反應：瞪大對眼、賣萌扮得意，毛毛喺度呼籲咁多位貓奴千祈千祈千祈唔木上當。如果你真係不幸發現屋企嘅喵星人背住你進行可疑勾當，唔好猶疑，立即用罐罐收買佢，再用無限嘅愛心去令佢忘記自己係喵星UC呢個身份！

封面圖片、資料來源：dcard

貓奴必睇：

【仲捉你唔到】就係你撞錯我電腦密碼三次！

【想嚇到貓奴個心離一離咩】貓貓唔瞓覺偷偷哋玩iPad

【朕要微服出巡】喵星人夜晚偷偷地去咗邊？