毛毛最鍾意就係上網睇改圖大戰㗎喇，因為咁多位PS大神嘅創作力量同幻想真係會嚇你一跳呀！最近外國又有改圖大戰喇～有個網民post咗隻有兩個大眼圈嘅狗狗上網，唔少PS達人都出手改圖，不如一齊嚟睇下啲精彩作品囉？

呢張就係原圖喇，狗狗係就係好大個眼圈，不過唔係黑色係白色㗎！唔夠瞓就會有黑眼圈呀，唔知狗狗是咪太懶瞓所以有白眼圈呢？

黑同白，肯定係絕配～調返轉兩隻色，一秒變大熊貓冇難度。熊眼睛～幽幽的看著這孤城～

就連變埋功夫熊貓都得呀！唔知功夫狗狗會唔會一樣，因為太肥嘟嘟，企喺度嗰陣會畀個大肚腩阻住視線，望唔到對腳呢？

白眼圈狗狗就算變蜘蛛俠同Deadpool一樣零違和感呀！

不過毛毛最like都係呢張改圖！事關毛毛第一眼見到隻白眼圈狗狗，都以為佢畀人擺咗兩隻太陽蛋上塊面度呀～

有PS大神仲key埋之前疑似為救主人燒傷毀容，但其實係畀主人整蠱，擺咗塊火腿上塊面度扮燒傷呃人嗰隻狗狗落去，火腿配煎雙蛋，一個營養豐富嘅早餐咁就完成喇！

封面圖片、資料來源：reddit

延伸閱讀：【人！間！慘！劇！】狗狗為救主人燒傷毀容　結果……