自從有咗Pokemon Go之後，各大公園就成為一眾小智捉小精靈嘅聖地。而台灣都當然唔例外啦，個個公園都畀啲訓練員逼爆晒，尤其係台北市北投公園，直頭係people mountain people sea！不過咁，多people就mean多rubbish……最近有位日本網民都話自己嚟北投公園捉寵嗰陣見到好多垃圾喎！

咩話？佢見到咁多垃圾之後竟然冇即時西面，仲即刻幫手清理？呢位哥仔會唔會太好呀？唔止咁，佢仲話自己帶咗急救包嚟，如果有人需要幫忙都可以搵佢?～

最令人感動嘅係，佢個背囊竟然仲貼住「多謝台灣」嘅貼紙……雖然東日本大地震已經過咗咁耐，但呢位日本人依然冇忘記到當日台灣人對日本嘅援助，呢啲係咪就係「得人恩果千年記」呀？

認真，呢位日本人嘅質素真係好到毛毛見到佢都覺得有啲慚愧……人嚟，同毛毛畀啲掌聲呢位日本人！啪啪啪啪啪啪啪！

圖片及資料來源：●【爆廢公社】●