估唔到倉鼠除咗為食，鍾意塞晒啲嘢食入個口之外，佢哋本身cos食物都有一手㗎喎！

家にコロッケあった└(:D」┌)┘ pic.twitter.com/F5dFNVn9sd

— sigh(-0.8) (@sigh21) 2016年8月16日

咦呢碟日式炸薯餅，亦即係喺啲日劇、動漫度好常見嘅可樂餅，睇落好似幾好食咁喎！之不過睇睇下，點解塊餅……好似咁多毛咁嘅？旁邊嗰堆用嚟做伴碟嘅椰菜仲好似愈嚟愈少咁?！

其實呢塊毛餅係一隻住喺日本嘅倉鼠仔嚟㗎！因為佢天生毛色就比較淺，所以咁就畀主人擺咗上枱囉！

又真係幾吸引嘅，唔止後面隻兔仔喺咁望呀，毛毛都想咬佢一啖啦，嗚哇！愈講愈肚餓，唔講住喇，冇咩事毛毛出去淥返個杯麵食先。

圖片來源、資料來源：sigh21／twitter