出去剪頭髮，如果指定髮型師要畀多幾十蚊㗎嘛，咁咪貴上加貴？作為一條窮L，唯有同counter講邊個剪都冇所謂啦，最多咪自己返去剪幾下補一補鑊。不過要畀個完全陌生嘅髮型師掂自己個頭，又真係需要幾大勇氣㗎。

做嗰一行，就一定要對嗰個範疇有要求，人哋先會對你有信心嘅，就好似賣護膚品一定要皮膚好，做理髮，自己個髮型都要好型咁先得㗎嘛。台灣呢個髮型師個頭，潮得嚟又帶點十八世紀嘅古典美，對自己咁有要求，點會唔放心將個頭交畀佢剪呀。

雖然睇真啲就會發現呢個只係假髮，不過能夠無視世人目光，對自己個造型咁執著，都係專業嘅！唔知佢係咪會好似《史力加》入面隻侏儒怪咁隨住心情轉假髮㗎呢？ 

呢位髮型師咁pro，唔知如果毛毛想set呢個頭同佢鬥搶fo佢又剪唔剪到呢？

封面圖片、資料來源連結：Patrick Lee、 rojiman／instagram

延伸閱讀：【尖尖尖～】聖上，奴才用你哋甩嘅毛整咗頂帽進貢呀！